صوت الامة: أشرف البخاري
شهد سوق رحبة الغنم بصوريا، صباح اليوم، حركية كبيرة منذ الساعات الأولى للصباح، حيث كانت الأثمنة مستقرة نسبياً فالبداية قبل ما تعرف ارتفاع مفاجئ حوالي الساعة التاسعة صباحاً، بعدما تزادت أثمنة الحولي بحوالي 1000 درهم، وسط طلب متزايد وقلة واضحة فالغنم، خصوصاً الحولي المليح لي كان قليل فالسوق.
عدد من المواطنين عبّرو كذلك على استغرابهم من طريقة البيع داخل بعض “الكاميوات” و”البيكوبات”، بحيث كيتعطى ثمن أولي للمشتري، لكن مباشرة ملي كيبان الاهتمام بالحولي كيتبدل الثمن وكيطلع، خصوصاً مع تدخل عدة أشخاص فعملية البيع، الشي لي خلا عدد من الشرّاية يعتابرو أن السوق عرف نوع من العشوائية والارتفاع السريع فالأثمنة مع تقدم ساعات الصباح.
